«Ժամանակ» օրաթերթի ապատեղեկատվության վերաբերյալ

Թեեւ, գուցե անհամեստաբար, ես համարում եմ, որ լիովին կատարել եմ իմ պարտքը ժողովրդի ու երկրի հանդեպ, սակայն անգամ դա ինձ իրավունք չի տալիս հեռանալ ասպարեզից, քանի դեռ Հայաստանը գտնվում է այսպիսի թշվառ վիճակում։ Ուստի Կոնգրեսի կազմում ես շարունակելու եմ անել ամեն ինչ՝ հայ ժողովրդին քոչարյանա-սերժական չարագործ ավազակախմբից ազատելու համար։ Եւ պայքարելու եմ այնքան ժամանակ, որքան կներեն իմ ֆիզիկական ուժերը եւ որքան իմ ծառայությունը պահանջված կլինի ժողովրդի կողմից։
Հակառակ կյանքի դժվարություններին, հակառակ ձեր դեմ կատարված խայտառակ ապօրինություններին, հակառակ ձեր կրած նվաստացումներին եւ ձեր մարդկային ու ազգային արժանապատվության ամենօրյա ոտնահարմանը, ես ձեզ մաղթում եմ բարձր տրամադրություն եւ սեփական իրավունքներին մինչեւ վերջ տեր կանգնելու երկաթյա կամք։ Ես լիովին հասկանում եմ ձեր զայրույթը անարդար իրականության դեմ, բայց երբեք չէի ցանկանա, որ այդ զայրույթը վերածվեր մաղձի ու չարացածության։

23/34 08:45
Դրախտիկի գյուղապետը մտել է տեղամաս, գյուղացիները մտնում են տեղամաս հայտարարում են որ իրենք չունեն բավարար գրագիտություն և խնդրում են, որ գյուղապետն օգնի իրենց քվեարկել: Տեղի է ունենում բաց քվեարկություն:
Աղբյուրը - Վստահված անձ, Վարդան Ջհանգիրյանի ընտրական շտաբի ներկայացուցիչ

Բոլոր ընտրատեղամասերում 08:30
Ընտրատեղամասում անձնագրի վրա դրվող դրոշմակնիքը հոդս է ցնդում րոպեներ անց
Աղբյուրը - Վստահված անձինք, քաղաքացիներ, ընտրական շտաբերի ներկայացուցիչներ

01/04 Քաղաքացիները հայտնում են, որ Խուդյակովի 84/4, 84/2, 84/3 շենքերի բակում տեղակայված ՀՀԿ շտաբից Տարոն Մարգարյանին պատկանող ավտոմեքենաներով մարդկանց խմբերի տանում են ընտրության: Այդ մեքենաների համարներն են՝ 22 OS 107, սեփական ավտոմեքենա <<Opel>> մակնիշի S0043, S0327, S0347, L3244, օգտագործվում է հանրային տրանսպորտ:
Աղբյուրը - Գայանե Առուստամյանի շտաբ

01/07 Ընտրողների թիվը ըստ ցուցակի 1870 համամասնական, 1912 մեծամասնական
Աղբյուրը - Գայանե Առուստամյանի շտաբ

30/18 Կոնգրեսի վստահված անձը հանձնաժողովի քարտուղարի ձեռքում տեսել է մի քաղաքացու անձնագիր, ում տերը առավոտյան արդեն քվեարկել է: Այդ պահին քարտուղարը խորհրդակցելիս է եղել ՀՀԿ-ի վստահված անձի հետ: Երբ Կոնգրեսի վստահված անձը փորձել է նայել անձնագիրը` զգուշացնելով, որ արձանագրություն կկազմի, վստահված անձը վերցրել է անձնագիրն ու փախել: Փաստը նկատել են նաեւ տեղամասի հսկողությունն իրականացնող ոստիկանները: Առկա է տեսանյութ: Կազմվել է արձանագրություն, որը ստորագրել են Կոնգրեսի, ԲՀԿ-ի ներկայացուցիչները, դիտորդներ, լրագրողներ:
Աղբյուրը -Աշոտ Մանուկյանի շտաբ

Մայիսի 4-ին ՀՀ առաջին նախագահ Լևոն Տեր-Պետրոսյանը հանդիպել է ԵԱՀԿ ԽՎ, ԵԽԽՎ և Եվրախորհրդարանի դիտորդական առաքելությունների ներկայացուցիչների հետ:
Նախագահ Տեր-Պետրոսյանը դիտորդներին է ներկայացրել առաջիկա խորհրդարանական ընտրությունների օրինականության վերաբերյալ իր նկատառումները, հատկապես ընդգծել է ընտրացուցակների ուռճացվածության խնդիրը` դա համարելով ընտրակեղծիքների հիմնական պահուստը:
Առաջին նախագահը նաև պատասխանել է դիտորդական առաքելության անդամների հարցերին:

Հանդիպմանը մասնակցել են նաև Հայ Ազգային Կոնգրեսի կենտրոնական գրասենյակի ներկայացուցիչներ Լևոն Զուրաբյանը և Ավետիս Ավագյանը:

Սիրելի հայրենակիցներ, դուք սխալվելու իրավունք չունեք։ Պատշաճ քաղաքացիական գիտակցություն դրսեւորելու եւ ճիշտ ընտրություն կատարելու դեպքում դուք ի զորու եք մայիսի 6-ը դարձնել բեկումնային օր՝ երկրում սահմանադրական կարգի վերականգնման, սոցիալ-տնտեսական վիճակի բարելավման եւ արժանապատիվ կյանքի վերահաստատման համար։ Ուրիշ այսպիսի պատեհություն կամ շանս գուցե այլեւս չլինի։ Ձեզանից որեւէ զոհողություն չի պահանջվում, այլ ընդամենը ազատ ու անկաշկանդ քվեարկություն։ Մի՛ հավատացեք այն ստաբանություններին, թե իբր քվեախցիկներում ձեր գործողություններին կարող են հետեւել։ Նման բան երբեք չի եղել ու չի էլ կարող լինել։ Հաղթանակը մոտ է, եւ այն չի կարելի ձեռքից բաց թողնել։ Հավատացեք, դա ոչ թե մեր, այսինքն ընդդիմության հաղթանակն է լինելու, այլ ձեր հաղթանակը, սեփական արժանապատվությունը վերագտած Հայաստանի քաղաքացիների հաղթանակը, համայն հայության հաղթանակը։

Մայիսի 1-ին Հայ ազգային Կոնգրեսի Կենտրոնական գրասենյակի համակարգող Լեւոն Զուրաբյանը հանդիպել է ՀՀ ԱԺ ընտրությունների կապակցությամբ Հայաստանում գտնվող ԵԱՀԿ/ԺՀՄԻԳ դիտորդական առաքելության ղեկավար Ռադմիլա Շեկերինսկայի հետ:

Հանդիպման ընթացքում քննարկվել են ընտրությունների ընթացքը, Ընտրական Օրենսգրքի խախտումների, դրանց արձանագրման ու կանխման հնարավորությանը վերաբերող հարցեր:

Հայ Ազգային Կոնգրեսը սատարում է Մաշտոցի պուրակի ակտիվիստներին եւ դատապարտում նրանց նկատմամբ ոստիկանական ապօրինությունները։ Կատարվածի անմիջական մեղավորը, սակայն, իշխող վարչախումբն է Ս. Սարգսյանի գլխավորությամբ, որի ձեռքում էլ ոստիկանությունը դարձել է բութ մի գործիք։
Քաղաքացիական բազմաբնույթ շարժումները, նախաձեռնությունները իրական որեւէ արդյունք չեն ունենա, եթե դրանք չեն տեղավորվում ընդհանուր քաղաքական կոնտեքստում։ Նմանօրինակ որեւէ խնդիր կարող է արմատապես լուծվել միայն օրինական, քաղաքական բնութագիր ունեցող իշխանության պայմաններում։ Գործող վարչախումբը այդպիսի իշխանության հակոտնյան է, ուստիեւ քաղաքացիական բոլոր նախաձեռնությունները եւս, իրենց արդյունավետության տեսակետից, առաջնահերթ մեկ խնդիր պետք է ունենան՝ այդ վարչախմբի վերացումը։

Հայ Ազգային Կոնգրեսը հիշեցնում է նաև, որ շարունակվում է խորհրդային Խնայբանկի գծով ավանդները պետական պարք ձեւակերպելու համար քաղաքացիների հաշվառման գործընթացը։ Այս և մյուս խնդիրների հատ կապված՝ պետք է դիմել Կոնգրեսի կենտրոնական գրասենյակ՝ Երեւան, Կորյունի 19ա (հեռ. 52.09.74) կամ Կոնգրեսի տարածքային գրասենյակներ։

Հիմա ընտրապայքարի մեջ ենք, եւ ընտրապայքարը թելադրում է վարքի իր կանոնները: Քանի մոտենում են ընտրությունները, ելույթներն ավել կտրուկ, ավելի խիստ եւ ավելի էմոցիոնալ են դառնում: Դա անհրաժեշտ է եւ անխուսափելի։ Բայց, միեւնույն ժամանակ, պետք է նկատի ունենալ, որ ընտրարշավը լուրջ աշխատանք է եւ հետեւաբար՝ կարիք ունի նաեւ մեկնաբանվելու, բացատրվելու, հանդարտ վերլուծությունների ենթարկվելու:
Հիմա կփորձեմ դա անել:

Ապրիլի 19-ին Հայ ազգային Կոնգրեսի կենտրոնական գրասենյակի համակարգող Լեւոն Զուրաբյանը հանդիպել է մայիսի 6-ին կայանալիք ՀՀ ԱԺ ընտրությունների կապակցությամբ Հայաստանում գտնվող ԱՊՀ դիտորդական առաքելության շտաբի ղեկավար Եվգենի Սլոբոդային:

Հանդիպման ընթացքում քննարկվել են Հայաստանում ընտրական գործընթացներին, ընտրացուցակների ուռճացմանը, արդեն տեղի ունեցած խախտումներին առնչվող հարցեր, եւ մասնավորապես, թիվ 7 ընտրատարածքում տեղի ունեցած միջադեպերը:

Քննարկվել են նաեւ ընտրությունների օրինականության վերահսկման արդյունավետ միջոցներն ու այդ կապակցությամբ պարոն Սլոբոդայի ղեկավարած դիտորդական առաքելության անելիքները:

Հրապարակային բանավեճերից հանրապետականները խուսափում են՝ շատ լավ գիտակցելով, որ իրենց իշխանությունը երկիրը հասցրել է կործանման եզրին եւ ցանկացած ընդդիմադիր թեկնածուի հետ բանավեճում իրենք խայտառակ պարտություն կկրեն։ Հայ Ազգային Կոնգրեսը համոզված է, սակայն, որ հանրապետականների՝ բանավեճերից խույս տալու ու դրա փոխարեն մրցակիցների քարոզարշավը խոչընդոտելու խայտառակ փաստն ինքնին նույնկերպ կկողմնորոշի ընտրողներին հօգուտ «Ո՛Չ ՄԻ ՁԱՅՆ ՀԱՆՑԱՎՈՐ ՌԵԺԻՄԻՆ» կարգախոսի։

Հայ Ազգային Կոնգրեսի սոցիալ-տնտեսական ծրագրի համառոտ տարբերակ

Հաշվի առնելով, որ Հայ Ազգային Կոնգրեսի նախընտրական ծրագրերը, հատկապես սոցիալ-տնտեսակն բնագավառում, բավականին ծավալուն փաստաթղթեր են, ընտրողների հարմարության համար ներկայացնում ենք այդ ծրագրերի համառոտ տարբերակը:

Հայաստանում 2000 թվականից ի վեր հաստատված ռեժիմը, որն իրենից ներկայացնում է կոռուպցիոն մի համակարգ, երկիրն աղետալի վիճակի է հասցրել բոլոր ասպարազներում։ Սոցիալ-տնտեսական ասպեկտով ռեժիմի գործունեության արդյունքը եղել է այն, որ 10 ամենահարուստ ընտանիքների ունեցվածքի շուկայական արժեքը ՀՀ-ում կազմում է ՀՆԱ-ի 54.7 տոկոսը։

Կարդալ շարունակությունը

Կոնգրեսը պահանջում է, որպեսզի ոստիկանությունը բացահայտի և պատասխանատվության կանչի ապօրինություններ կատարողներին։ Կատարված ապօրինությունը միաժամանակ նշանակում է, թե վարչախմբի պարագլուխ Սերժ Սարգսյանի բազմիցս տված խոստումները` օրինական ընտրություններ անցկացնելու մասին, գրոշի արժեք չունեն։

Ապրիլի 10-ին Հայ Ազգային Կոնգրեսի ղեկավար կազմը` Առաջին նախագահ Լևոն Տեր-Պետրոսյանի գլխավորությամբ, մարզային հանրահավաք-հանդիպումներ կանցկացնի Արագածոտնի մարզում:

13:30 - հանդիպում ընտրողների հետ Ապարանում
15:45 - հանդիպում Ուշի և Օհանավան գյուղերում
17:00 - հանդիպում Աշտարակում

Հարգելի քաղաքացիներ,

Նախընտրական քարոզարշավի նպատակով, Հայ Ազգային Կոնգրես կուսակցությունների դաշինքը ՀՀ կենտրոնական բանկում բացել է նախընտրական հիմնադրամի հատուկ հաշվեհամար:

Ձեր աջակցությունը Հայ Ազգային Կոնգրես կուսակցությունների դաշինքին կարող եք բերել` փոխանցումներ կատարելով հետևյալ հաշվեհամարին`

ՀՀ ԿԲ 103007300074

Ֆիզիկական անձանց դեպքում փոխանցումների առավելագույն սահմանը կազմում է մինչև 100.000 ՀՀ դրամը:

Բոլոր կասկածները ցրելու եւ ընտրությունների թափանցիկությունն ու օրինականությունն ապահովելու համար, օգտվելով «Տեղեկատվության ազատության մասին» ՀՀ օրենքով սահմանված իրավունքից, խնդրում ենք մեզ տրամադրել երկրից մշտապես բացակա, բայց ընտրացուցակներում ընդգրկված քաղաքացիների լիակատար ցանկը։
Չկատարելով մեր խնդրանքը, Դուք կասկածի տակ կդնեք առաջիկա ընտրությունների օրինակարգությունը եւ մեծ հարված կհասցնեք Հայաստանի միջազգային վարկին։

Ապրիլի 4-ին ՀՀ առաջին նախագահ Լեւոն Տեր-Պետրոսյանը հանդիպել է Հայաստանում Ֆրանսիայի արտակարգ եւ լիազոր դեսպան Անրի Ռենոյին:

Հյուրի խնդրանքով Նախագահը ներկայացրել է առաջիկա խորհրդարանական ընտրությունների օրինականության ապահովման հետ կապված իր նկատառումները եւ դիտարկումները:

Հատուկ շեշտվել է ընտրացուցակներում Հայաստանից բացակայող 700 հազար ընտրողների առկայության խնդիրը` նշելով, որ սա իշխանությունների ընտրակեղծարարության հիմնական ռեսուրսն է:

Հանդիպմանը մասնակցել են Հայ ազգային կոնգրեսի Կենտրոնական գրասենյակի համակարգող Լեւոն Զուրաբյանը եւ Կենտրոնական գրասենյակի ներկայացուցիչ Ավետիս Ավագյանը: