Ռոբերտ Քոչարյանի` Իրան կատարած այցելությանը Հայ ազգային կոնգրեսի համակարգող Լեւոն Զուրաբյանը Lragir.am-ին տված հարցազրույցում հետեւյալ մեկնաբանությունը տվեց. այն կապված է ԼՂ խնդրի հետ, եւ Իրան նա գնացել էր Սերժ Սարգսյանի հրահանգով:
- Շատ պարզ է. այս այցը ցույց է տալիս, որ ԼՂ խնդրում 'կենացները քաղցրանում' են: Ակնհայտ է, որ Սերժ Սարգսյանը ԼՂ խնդրում այլեւս չունի համանախագահների, այդ թվում` ՌԴ-ի աջակցությունը: Ուստի` որպես անցանկալի զարգացումների կանխման վերջին փորձ, փորձում է ակտիվացնել Իրանի գործոնը: Բնականաբար, նա այդ ամենը չի կարող անել անմիջապես, ուղիղ կոնտակտների միջոցով, քանի որ համանախագահող երկրների կողմից դա վատ կընկալվի: Ուստի ընտրվել է այս ճանապարհը, եւ Սերժ Սարգսյանը Ռոբերտ Քոչարյանին նման առաքելությամբ ուղարկել է Իրան: Դա մի կողմից հնարավորություն է տալիս Իրանի ղեկավարության հետ քիչ, թե շատ լուրջ բանակցություններ տանել, մյուս կողմից` ունենալ միջազգային հանրության եւ համանախագահների աչքերում նման պրոցեսի պաշտոնականացումը մերժելու հնարավորություն: Այս երեւույթը քաղաքագիտության մեջ հայտնի է «deniability» տերմինով, որ նշանակում է` քաղաքական գործընթացների մեջ ներգրավված լինելով, պահպանել այդ ներգրավվածությունը մերժելու հնարավորությունը: Այսօր Սերժ Սարգսյանն օգտվում է այդ հնարավորությունից: Սա լուրջ նշան է, որ ԼՂ խնդրում պրոցեսներն ակտիվանում են, Սերժ Սարգսյանի ռեժիմը նյարդայնացած է եւ կորցրել է վերահսկողությունը դիվանագիտական գործընթացների վերաբերյալ: Եթե կուզեք` սա համարեք որպես հուսահատական քայլ:
- Ռոբերտ Քոչարյանը, Ձեր կարծիքով, ինչո՞ւ էր խոսում պաշտոնական Երեւանի անունից:
- Դրա մասին մենք կարդացել ենք Իրանի լրատվամիջոցների հրապարակումներից: Բնականաբար, քանի որ Քոչարյանին ընկալում են որպես Սերժ Սարգսյանի կողմից ուղարկված դեսպան, Իրանը համարում է նրա ասածները Հայաստանի պաշտոնական դիրքորոշում:
- Իսկ ձեր կարծիքով` Իրանն ի՞նչ կարող է անել ԼՂ խնդրում, որ Սերժ Սարգսյանը Ռոբերտ Քոչարյանի միջոցով դիմել է նրան:
- Իրանը որքան էլ ներգրավված չի եղել Մինսկի խմբի աշխատանքներում, սակայն Հայաստանի եւ Ադրբեջանի հզոր հարեւանն է, որն անկախ քաղաքականություն է տանում եւ մեծ ազդեցություն կարող է ունենալ գործընթացների վերաբերյալ: Եվ հենց այդ հանգամանքն օգտագործելով փորձում են ակտիվացնել, իրենց կարծիքով, վերջին գործոնը:
- Որքանո՞վ կհաջողվի իշխանություններին ակտիվացնել այդ գործոնը:
- Ես դժվարանում եմ ասել, սակայն ակնհայտ է, որ այդ քայլը հուսահատ քայլ էր, եւ դա ցույց է տալիս, որ ԼՂ խնդրում բավական լուրջ պրոցես է գնում, եւ ԼՂ խնդրի կարգավորումը մոտ է հանգուցալուծման:
- Իսկ ձեր կարծիքով, ինչո՞ւ հենց Ռոբերտ Քոչարյանը մեկնեց Իրան:
- Շատ պարզ պատճառով. չէին կարող ՀՀ որեւէ պաշտոնյայի ուղարկել, բայց մյուս կողմից պետք էր մեկը, որն ի վիճակի էր իր ստատուսով հանդիպումներ ունենալ Իրանի նախագահի եւ ԱԳ նախարարի հետ: Այսինքն` միակ թեկնածուն նա էր: Իհարկե, Սերժ Սարգսյանն այս ամենը կհերքի, սակայն հասկանալի է, որ նրանց ծրագրի մի մասն էր: Ռոբերտ Քոչարյանին ոչ ոք չէր ընդունի Իրանում, եթե չլինեին նախապատրաստական դիվանագիտական աշխատանքներ. պաշտոնական Երեւանն իր դիվանագիտական խողովակներով աշխատել է այդ ուղղությամբ ու ստացել իրանական կողմի աջակցությունը:
- Եթե նկատի ունենանք, որ այս ամենը կատարվել է Սերժ Սարգսյանի գլխավորությամբ, արդյոք սա չի նշանակում, որ այդպես փորձում են Քոչարյանին վերադարձնել ակտիվ քաղաքականություն:
- Ամենեւին էլ ոչ: Սերժ Սարգսյանը շարունակում է կառչած լինել իր աթոռից, եւ երբեք թույլ չի տա Քոչարյանին վերադառնալ:
- Իսկ ձեր կարծիքով, միջազգային հանրությունը չի՞ հասկանա այս ամենը:
- Սա դիվանագիտական խաղ էր, ճարահատյալ քայլ: Միջազգային հանրությունն այս ամենը հասկանում է: Սակայն ոչ ոք պաշտոնապես չի կարող մեղադրանք ներկայացնել Հայաստանին, քանի որ, ինչպես արդեն ասացի` քաղաքական գործընթացների մեջ ներգրավված լինելով, պահպանել այդ ներգրավվածությունը մերժելու հնարավորությունը: Սա այն ձեւն է, որն ամենաշատը կմեղմի միջազգային հանրության բացասական արձագանքը: Կլինի բացասական արձագանք, բայց ավելի մեղմ:
- Թիվ 10 ընտրատարածքում կայացած ընտրություններից հետո ՀՀԿ պատգամավոր Շարմազանովը հայտարարեց, թե Կոնգրեսի վարկանիշն ընկել է: Ինչպե՞ս կմեկնաբանեք այդ փաստը:
- Շարմազանովի այդ հայտարարությունները քաղաքականապես տգետ են: Իրականում կատարվել է հետեւյալը. իշխանությունները գնացել են ամենավերջրին ապօրինություններին, ներառյալ այն հանգամանքը, որ ընտրություններն անցկացվեն հունվարի 10-ին, որպեսզի վերջին 15 օրը հնարավոր չլինի քարոզարշավ իրականացնել: Իսկ ընտրությունների ժամանակ ժողովուրդը արթնանում, քաղաքական ապատիայից դուրս է գալիս վերջին 15 օրը, այսինքն` այդ օրերն ունեին վճռորոշ նշանակություն: Կեղծ է նաեւ պատկերը, թե ընտրություններին մասնակցությունը եղել է 23 տոկոս: Մեր վստահված անձինք մտել են այդ ընտրատարածքի բոլոր բնակարանները, եւ հայտնաբերել, որ 30-40 տոկոսը մշտապես դատարկ են, այսինքն` ընտրացուցակներում ընդգրկված ընտրողների թիվն իրականության հետ կապ չունի: Այս առումով, առկա բնակչության թիվը հաշվի առնելու դեպքում կնկատենք, որ իրականում բավական մեծ է եղել մասնակցության թիվը` կազմելով 35 տոկոսից ավելին: Եվ Կոնգրեսը, անգամ իրենց կեղծված տվյալներով` 40 տոկոսի արդյունք է ցույց տվել, ինչը մեծ արդյունք եմ համարում, ըստ էության, ավելի մեծ, քան մենք ստացել էինք նախորդ բոլոր կեղծված ընտրություններում: Անգամ կեղծ պաշտոնական տվյալներով մենք այնքան ձայներ ենք հավաքել, ինչ` ավագանու կամ Կենտրոնի թաղապետի ընտրությունների ժամանակ, իսկ ահա իշխանությունների ձայները 2-3 անգամ պակաս էին. ոչ մեկի համար գաղտնիք չէ, որ հանրապետականի ընտրամեքենան, պետական մարմինները աշխատել են այս ընտրությունների վրա եւ հավաքել 2-3 անգամ քիչ ձայն: Այնպես որ` Շարմազանովը ստում է եւ մոլորության մեջ գցում մարդկանց:
Հարցազրույցը վարեց ԱՐՄԱՆ ԳԱԼՈՅԱՆԸ
www.lragir.am
22 Հունվար 2010
| 2011-12-10 | «Ծայրահեղ աղքատներ, ցոփացած հարուստներ». Զոյա Թադեւոսյանի հարցազրույցը
Հայ ազգային կոնգրեսի անդամ, տնտեսագիտության դոկտոր Զոյա Թադեւոսյանի հարցազրույցը Lragir.am կայքին -Ազգային վիճակագրական ծառայությունը վերջերս հրապարակել էր «2010թ. ՀՀ տնային տնտեսությունների կենսամակարդակի ամբողջացված հետազոտության» հիմնական արդյունքները, որոնց համաձայն՝ Հայաստանի յուրաքանչյուր երրորդ բնակիչը՝ 1.2 մլն մարդ կամ 35,8%-ը աղքատ է։ Նրանցից մոտ 694 հազարը շատ աղքատ է, իսկ 98 հազարը՝ ծայրահեղ աղքատ: -Բերված վիճակագրության հետ համաձայն չեմ, հատկապես բնակչության ընդհանուր թվի առումով: Ազգային վիճակագրական ծառայությունը չի ներկայացնում իրական պատկերը, իսկ իրականությունը շատ ավելի ողբալի է: Համենայն դեպս, ԱՎԾ-ն հաստատում է հասարակության շերտավորման փաստը. մի կողմում ծայրահեղ աղքատներ, մյուսում` ցոփացած հարուստներ: Ըստ որոշ փորձագիտական գնահատականների, աղքատության մակարդակը Հայաստանում հասնում է 50-60 տոկոսի, որոնց 46%-ը մեկ աշխատատեղ զբաղեցնողներ են: Այսինքն մեր երկրում զբաղվածության եւ գործազրկության միջեւ սահման գոյություն չունի, առավել եւս գործատուների կամայականությունների արդյունքում աշխատանք ունեցողն ամեն րոպե կարող է հայտնվել փողոցում: Նորմավորված աշխատանքային օր ասվածը վաղուց մոռացված հասկացություն է... |
| 2011-12-08 | Վլադիմիր Կարապետյանի հարցազրույցը ՉԻ-ին
ՌԴ-ում անցկացված բոլոր հարցումների համաձայն, ընտրություններում հաղթանակ տոնած կուսակցությունը անվերապահ առաջատար էր։ Այդ հարցումների տվյալները հիմնականում արտացոլվեցին նաեւ ընտրություններում։ Այս առումով Ռուսաստանում օրինակարգության խնդիր չի առաջանալու։ Այլ է իրավիճակը Հայաստանում, ուր իշխանության ղեկին է ռազմական հեղաշրջումով եւ անմեղ մարդկանց արյան գնով իշխանության եկած ռեժիմը։ Բնական է, որ այս ռեժիմը չէր կարող ունենալ լուրջ հաջողություն արտաքին քաղաքականության որեւէ ուղղության վրա, եւ հայ-ռուսական հարաբերություններում հավասարակշռության խախտումն էլ պայմանավորված է մեր իշխանության ծագումով։ Մինչեւ Հայաստանում չհաստատվի ժողովրդի քվեն ստացած իշխանություն, մեզ դժվար կլինի բարձրացնել հայ-ռուսական համագործակցությունը պատշաճ` երկու ժողովուրդների պահանջած մակարդակի... |
| 2011-12-01 | ԲՀԿ-ն ունի երկու ճանապարհ. Լեւոն Զուրաբյանի հարցազրույցը Lragir.am-ին
Մենք ի սկզբանե մեր քաղաքականության հիմքում դրել էինք դեպի ժողովրդավարություն անցնցում անցման մոդելը: Եվ բանակցում էինք ռեժիմի հետ՝ լեգիտիմ իշխանության ձեւավորման ժամկետների ու պայմանների մասին: Ցավոք սրտի ռեժիմն ինքը մերժեց այդ տարբերակը: Եվ մեզ թողեց մեկ այլընտրանք. Անզիջում պայքարը ռեժիմի ու դրա պարագլուխ Սերժ Սարգսյանի դեմ: Դա իրենց ընտրությունն էր: Իսկ նման պայմաններում, երբ ռեժիմը հրաժարվում է բանակցություններից, սկսում է դիմադրել անցմանը դեպի ժողովրդավարություն, մեր ջանքերը պետք է ուղղված լինեն այդ ռեժիմի կազմաքանդմանը եւ քայքայմանը: Ու եթե կա որեւէ քայլ, որը թույլ է տալիս պոկել ռեժիմի որեւէ հենարան, ուղղել ռեժիմի մաս կազմող որոեւէ ռեսուրս հենց իր դեմ, պետք է այդ քայլն անել: Ես ուզում եմ հիշեցնել, որ Քադաֆիի դեմ ժողովրդի հաղթանակը կազմակերպած Ազգային Անցումային Խորհրդի մեծամասնությունը Քադաֆիի նախկին հավատարիմ զինակիցներն էին: Բայց նրանցից ամեն մեկի անցումը ժողովրդի կողմը ուժեղացրել է ժողովրդին ու թուլացրել ռեժիմին: Բնականաբար, նրանք էլ հրեշտակներ չեն եղել, բայց հանուն ժողովրդի հաղթանակի, կարելի է խրախուսել ռեժիմի քաղաքական հենարանի քայքայումը: Իսկ ապագայի համար պետք չէ վախենալ: Միեւնույն է հաղթանակը ձեռք է բերվելու միայն ժողովրդի ընդվզմամբ, ուստի հենց ժողովուրդն էլ կթելադրի նոր ժողովրդավարական կարգերը... |
| 2011-11-11 | Հեղափոխությունը սեր է. Արա Նեդոլյանի հարցազրույցը
Կա բանաձև, ըստ որի`հեղափոխությունը սեր է: Մենք գիտենք այդ բանաձևը, բայց չենք ընկալում: Հայաստանում դա շատ աբստրակտ բան է նշանակում, շատ ավելի կոնկրետ: 88-ին կար կոնկրետ բան` Արցախի նկատմամբ սիրային կապ լայն իմաստով, Արցախը ֆիզիկական ոչնչացման տակ է, և մենք նրան փրկում ենք: Իսկ նա, իր հերթին, առաջին սիրո պես՝ վերապրում է իր հայկական, Հայաստան լինելը և ձգտում Միացման: Սիրո համար հարկավոր են երկուսը, իրարից տարբերվող ու միացման, իրար ձգտող երկուսը, Կոնգրեսը պետք է շտապ հայտնաբերի իր համար սիրո առարկա, հնարավոր չէ սիրել ինքդ քեզ: Քեզ պետք է սիրեն ուրիշները, պետք է առաջանա համընդհանուր սիրո շղթայական ռեակցիան, համընդհանուր սիրո խոստումը, որը և վերաճում է հեղափոխության: Այստեղ էական է հասարակական նախաձեռնությունների փորձը՝ հաջողվում են նրանք, ով սիրում է վտանգված մեկ ուրիշին, Թեղուտի անտառը, Թռչկանի ջրվեժը, տառապող զինվորներին, թե թափառական կենդանիներին: Կայանում են, կամ դեռ կկայանան, նաև նրանք, ով սիրում է հենց Կոնգրեսը, Լևոնին, հեղափոխությունը: |
| 2011-10-13 | Արմեն Օհանյան. «Արդյունքը ես եմ՝ դիմադրող քաղաքացին» Հարցազրույց հանրային կապերի մասնագետ, արձակագիր Արմեն Օհանյանի հետ
- Փոքր խորհրդի նիստերին մի քանի անգամ եմ մասնակցել, բայց ծանոթ եմ, հետևում եմ: Բովանդակային առումով հիմնականում համամիտ եմ, բայց եթե ուզում ենք նոր տեքստ գրել, արժի նաև հրաժարվել հին ձևակերպումներից: Օրինակ` «մշակութային հեղափոխություն»՝ Մաոյի արտահայտությունն է, որ առավելապես գործածվում է Չինաստանում 60-70-ականների կեսերին տեղի ունեցող գործընթացի հետ կապված, «սահմանադրական հեղափոխություն»` 20-րդ դարի սկզբին Իրանում տեղի ունեցածի: Մենք կարող ենք փոխել նաև լեզուն, հանդես գանք մեր ուրույն նշանաբանությամբ: Ինձ ավելի հարազատ է Լևոն Տեր-Պետրոսյանի` «ավազակապետության կազմաքանդում» ձևակերպումը, որը նպատակային է: - Ի՞նչ եք կարծում, հիմա տեքստեր գրելո՞ւ ժամանակն է, որը, ինչպես հասկացա, Ձեզ այնքան էլ հոգեհարազատ չէ: - Նախ պետք է ճշտենք` ինչ ենք հասկանում տեքստ ասելով: Տեքստը որպես նշանների համակցություն`շատ լայն իմաստով է օգտագործվում: - 68-ի հեղափոխությունից առաջ հսկայական գրականություն էր ստեղծվել, հետո նոր իրականացավ հեղափոխությունը: |
| 2011-02-07 | Արամ Մանուկյան. Ստրատեգիան ճիշտ է ընտրված
|
| 2010-08-25 | Լեւոն Զուրաբյանի պատասխանը «Ազատություն» ռ/կ-ի հարցին
Պատասխան. Հայաստանում Ռուսաստանի ռազմակայանի մասին 1995 թ. պայմանագրում փոփոխությունների ստորագրումը եւ Ռուսաստանի կողմից Ադրբեջանին С-300 ռազմական համակարգերի տրամադրումը արձանագրում է նոր աշխարհաքաղաքական իրողությունների հաստատումը տարածաշրջանում: |
| 2010-02-05 | Մեծ փողերի, դեպրեսիայի եւ Չաուշեսկուի մասին. հարցազրույց Զոյա Թադեւոսյանի հետ
Մինչ մեր ԱԺ-ում եւ ԵԽԽՎ-ում մրցույթ է գնում, թե ով է ավելի շատ ընդդիմադիր՝ "Ժառանգությո՞ւնը", թե՞ Դաշնակցությունը, "Ժառանգությունից" հեռացված Զոյա Թադեւոսյանը երկուսին էլ իսկական չի համարում, իսկականը համարում է այնտեղ, որտեղ ինքն է, իսկ այս օրերին առավել մարտի պատրաստված ընդդիմադիր է, քանի որ, հայ ժողովրդի մտածող մնացած մասի պես, խիստ վրդովված է Քոչարյանի ունեցած 4 միլիարդով ու Սերժ Սարգսյանի դեռեւս չհրապարակված միլիարդով: Զոյա Թադեւոսյանը գտնում է, որ հայ ժողովուրդը առավել կարեւոր գործ չունի հիմա, քան այդ փողերը ետ պահանջելն ու "ջեբգիրներին" պատասխանատվության ենթարկելը: Սակայն փողերի թեմայից առաջ խոսվեց իհարկե իր նախկին կուսակցության ակտիվի ու պասիվի մասին: |
| 2010-01-23 | Հարցազրույց «Հանրապետություն» կուսակցության առաջնորդ Արամ Սարգսյանի հետ
- 1999թ. հոկտեմբերի 27-ից հետո Լևոն Տեր-Պետրոսյանը կոչ արեց համախմբվել գործող նախագահ Ռոբերտ Քոչարյանի շուրջ։ Ճի՞շտ եք համարում այդ կոչը։ - Այո՛, ճիշտ եմ համարում։ Հոկտեմբերի 27-ի հաջորդ օրը և դրանից հետո առնվազն մեկ ամսվա մեջ նման մոտեցումը բացարձակ ճիշտ էր։ Եթե ճիշտ չհամարեի, ես վարչապետ աշխատելու Ռոբերտ Քոչարյանի առաջարկությունը չէի ընդունի, որովհետև դա այնպիսի մի վիճակ էր, երբ բոլորը բոլորին էին կասկածում, և այդ վիճակում պետք էր գնալ, տեսնել, փորձել խնդիրը մտցնել դատարան և դատական ատյաններով պարզել՝ ովքե՞ր են մեղավորները, ովքե՞ր են պատասխանատուները, կա՞ն կազմակերպիչներ, թե՞ ոչ։ Դժբախտաբար, դա առ այսօր էլ արված չէ։ |
| 2010-01-19 | «Թուրքիան կայացրել է իր որոշումը». հարցազրույց Լ. Զուրաբյանի հետ
|
| 2010-01-18 | Փախուստի դեմը չառանք. հարցազրույց Աշոտ Բլեյանի հետ
|
| 2010-01-12 | ՍԴՀԿ-ում այլեւս խմորումներ չկան. Հարցազրույց ՍԴՀԿ ատենապետ Լյուդմիլա Սարգսյանի հետ
|
| 2010-01-11 | «Եթե Ղարաբաղից մի էշ էլ բերեն». հարցազրույց Պետրոս Մակեյանի հետ
|
| 2010-01-08 | Հարցազրույց Դավիթ Շահնազարյանի հետ (2010-01-08)
-Ինչպե՞ս կգնահատեք հունվարի 10-ին կայանալիք ԱԺ լրացուցիչ ընտրություններին Նիկոլ Փաշինյանի հաղթանակի հնարավորությունները։ -Որ ջախջախիչ մեծամասնությունը քվեարկելու է Փաշինյանի օգտին, դրանում որևէ կասկած լինել չի կարող, բայց կարծում եմ՝ իշխանություններն իրենց կեղծիքի ողջ զինանոցը օգտագործելու են։ -Հաշվի առնելով դա՝ ի՞նչ միջոցառումներ են նախատեսվում կեղծիքների դեմն առնելու համար։ -Ամենակարևորը բնակաչության ակտիվությունն ու մասնակցությունը ընտրություններին ապահովելն է։ Դրա վրա է մեծ աշխատանք տարվել։ Կարծում եմ՝ դա լինելու է հանգուցային հարցը։ Իհարկե, եթե մասնակցությունը մեծ եղավ, կեղծիքների դաշտը իշխանության համար էապես կփոքրանա։ |
| 2009-12-29 | 2009-ը չի «պոկվում» 2008-ից. հարցազրույց գրող, հրապարակախոս Տիգրան Պասկեւիչյանի հետ Հարցազրույց գրող, հրապարակախոս Տիգրան Պասկևիչյանի հետ |
| 2009-12-24 | Լեւոն Տեր-Պետրոսյանի հարցազրույցը Ա1+ գործակալությանը. 24.12.2009ՌՈՒՍԱՍՏԱՆԸ ՀԱՐԱՎ-ՕՍԵԹԱԿԱՆ ԺՈՂՈՎՐԴԻՆ ՓՐԿԵՑ ՑԵՂԱՍՊԱՆՈՒԹՅՈՒՆԻՑ- Պարոն նախագահ, կարծես թե, ռուս-վրացական վերջին պատերազմը լրջորեն չգնահատվեց ո՛չ Հայաստանի իշխանությունների, ո՛չ էլ քաղաքական կուսակցությունների եւ նույնիսկ քաղաքագետների կողմից, մինչդեռ ակնհայտ է, որ այդ պատերազմն անուղղակիորեն շոշափում է նաեւ մեր երկրի կենսական շահերը։ - Չեմ կարող չհամաձայնել Ձեր դիտարկմանը, բայց կուզեի այդ առթիվ կատարել մեկ հստակեցում. պատերազմը վրաց-օսեթական էր, եւ միայն հետո էր, որ այն վերածվեց ռուս-վրացականի։ - Այսինքն, Դուք ուզում եք ասել, որ նախահարձակը Վրաստանն էր, եւ Ռուսաստանը հարկադրաբա՞ր ներքաշվեց պատերազմի մեջ։ - Ես ոչինչ չեմ ուզում ասել, այլ ընդամենը արձանագրում եմ ակնհայտ փաստերը։ Ոչ ոք չի կարող վիճարկել, որ պատերազմը սանձազերծել էր Վրաստանը՝ նպատակ հետապնդելով զենքի ուժով վերացնել Հարավային Օսեթիայի հանրապետությունը։ Ոչ ոք չի կարող վիճարկել նաեւ, որ Ռուսաստանն, իր վճռական միջամտությամբ, հարավ-օսեթական ժողովրդին փրկեց ցեղասպանությունից։ Եթե ռուսական օգնությունն ուշանար թեկուզ վեց ժամով, այսօր Հարավային Օսեթիա գոյություն չէր ունենա։ |
| 2009-12-19 | «Հավատում եմ, որ հաղթելու ենք». հարցազրույց Նիկոլ Փաշինյանի հետ
- Ես խոստացել եմ, որ անկախ նրանից` բանտում կլինեմ, թե ազատության մեջ, պետք է օգտագործեմ հանուն Ազատ եւ Երջանիկ Հայաստանի, հանուն օրինականության եւ ազատության պայքարելու բոլոր հասու մեթոդները: Երեւանի թիվ 10 ընտրատարածքում 2010 թվականի հունվարի 10-ին կայանալիք ընտրություններին իմ մասնակցությունը հենց այդ խոստումը ի կատար ածելու պարտականությամբ է պայմանավորված: |
| 2009-12-17 | Հարցազրույց ՍԴՀԿ ատենապետ Լյուդմիլա Սարգսյանի հետ
- Ամեն դեպքում Դուք Ձեզ դեռ համարո՞ւմ եք ատենապետ: - Ինձ թվում է` ոչ թե ես եմ համարում, այլ դա փաստ է: Ով ում ինչ ուզում է հայտարարի, ես գրանցված ատենապետն եմ: Արդարադատության նախարարությունում, պետռեգիստրում փաստաթղթերով, օրինական ընտրված ատենապետը մինչև հունվարի 9-ը Լյուդմիլա Սարգսյանն է, հուսով եմ` հետո էլ: - Դիմելո՞ւ եք դատարան: -Իհարկե, ես հայտարարել եմ և նորից հայտարարում եմ` եթե որևիցե մեկը կհամարձակվի հանդես գալ որպես Հայաստանյան վարիչ մարմնի անդամ կամ որպես ատենապետ, նա ուղիղ կկանգնի դատարանի առաջ: Իսկ հունվարի 9-ից հետո էլ օրինական ատենապետ կլինի, և նորից կկանգնեն դատարանի առաջ, եթե կփորձեն վիճարկել այդ փաստը: |
| 2009-12-01 | Հարցազրույց ՀՀ նախկին արտգործնախարար Ալեքսանդր Արզումանյանի հետ
-Ըստ Ձեզ՝ ե՞րբ կստորագրվի Լեռնային Ղարաբաղի վերաբերյալ շրջանակային համաձայնագիրը։ -Կոնկրետ ժամկետներ չէի նշի։ Ընդհանրապես կանխատեսումներն անշնորհակալ գործ են։ Ինչպես բազմիցս հայտարարել եմ, հայ-թուրքական հարաբերությունների կարգավորումը և Ղարաբաղի հարցի կարգավորումը պայմանավորված են միմյանցով, և վերջին զարգացումները ցույց են տալիս, որ կողմերն արդեն իսկ շատ մոտ են շրջանակային փաստաթուղթ ստորագրելուն։ Ե՞րբ դա կլինի՝մեկ երկու ամիսների ընթացքո՞ւմ, թե՞ մի քիչ ավելի ուշ, չեմ կարող ասել, բայց այն, որ արդեն իսկ սեղանին դրված են փաստաթղթեր, որոնք ստորագրման կարիք ունեն, ակնհայտ է. բոլոր զարգացումները գալիս են վկայելու հենց այդ մասին։ |
| 2009-11-19 | Արամ Մանուկյան. հատված հարցուպատասխանից
-Նոյեմբերի 11-ին ՀԱԿ ակտիվի ժողովում հնչած Լևոն Տեր-Պետրոսյանի ելույթի վերջին հատվածում հիշատակվում էր Եղիազար Այնթապցու մասին։ Դա Լևոն Տեր-Պետրոսյանի կողմից Սերժ Սարգսյանին ուղղված համագործակցության առաջա՞րկ էր։ -Լևոն Տեր-Պետրոսյանը հայտարարում է՝ եղբա՛յր, եթե քեզ պետք է իշխանություն, պետք է լեգիտիմություն, ապա դրա համար չարժե Հայաստանի, հայ ժողովրդի սեփականությունը վաճառել ուրիշներին և դրանով ապահովել իշխանություն։ Արի՛, վերցրո՛ւ քո իշխանությունը, բայց երբեք պատմական ու ազգային առումով կորուստներ մի՛ տուր և Հայաստանը մի՛ վաճառիր օտարին։ Սա շատ տխուր, բայց ռեալիստական և պարզ մոտեցում է։ Եթե մարդ իշխանատենչ է, եթե շահամոլ է, և դրա արդյունքում տուժում է նրա երկիրը, իսկ երկու սրբագույն խնդրի (կապված մեծաքանակ զոհերի հետ՝ Ցեղասպանության և Ղարաբաղի) դավաճանությունը, ուրացումը պատմության ազգային մեծ ժամանակների առումով մեծ կորուստ է... |
| 2009-11-12 | Հարցազրույց Պահպանողական կուսակցության նախագահ Միքայել Հայրապետյանի հետ
- Ինչպե՞ս եք գնահատում ՀԱԿ ակտիվի ժողովի ժամանակ հնչած Լևոն Տեր-Պետրոսյանի ելույթը։ Մասնավորապես, հայ-թուրքական ներկայիս գործընթացի և ԼՂ-ի հակամարտության վերաբերյալ Ձեր դիրքորոշումները համընկնո՞ւմ են նոյեմբերի 11-ին Լ. Տեր-Պետրոսյանի ներկայացրած դրույթներին։ Եթե ոչ, ապա ո՞րն է Ձեր դիրքորոշումը։ - Դա կշռադատված ելույթ էր, որի դրույթներին հայ պահպանողականներս համաձայն ենք: Ավելին, մեզ առավել կարևոր ու հոգեհարազատ էր այն խորքային էմոցիոնալ շերտը, որ առկա էր ենթատեքստում: - Հաշվի առնելով, որ նոյեմբերի 11-ին Լ. Տեր-Պետրոսյանը հայտարարեց, թե արձանագրությունների պարունակած դրույթներիցմիակ անընդունելին հայ և թուրք պատմաբանների հանձնաժողովիստեղծմանը վերաբերող կետն է, կարելի՞ է ասել, որ Լ. Տեր-Պետրոսյանը դեմ է ոչ թե Հայաստան-Թուրքիա ամբողջ արձանագրությանը, այլ՝ միմիայն հայ և թուրք պատմաբանների հանձնաժողովիստեղծմանը վերաբերող կետին։ |
| 2009-10-22 | Հովհաննես Հովհաննիսյան
-Ինչպե՞ս եք գնահատում Թուրքիայի հետ հարաբերություն հաստատելու ներկա գործընթացը։ -Եթե դիտարկենք, թե ինչպես զարգացավ հայ-թուրքական հարաբերությունների կարգավորումը, ապա դա մեծ անակնկալ էր, որ մատուցվեց հայ ժողովրդին. մեր պետությունը, ժողովուրդը պատրաստ չէր նման պայմաններով և իրավիճակում գնալ հայ-թուրքական հարաբերությունների կարգավորմանը։ Այն արձանագրությունները, որոնք ստորագրվեցին, իրապես պարունակում են շատ լուրջ նախապայմաններ և բացարձակապես չեն արտացոլում Հայաստանի, հայ ժողովրդի շահերը։ Այն խմբում, որ մենք Ցյուրիխում տեսանք, Հայաստանի, հայ ժողովրդի շահերը ներկայացնող սուբյեկտ չունեինք։ |
| 2009-09-23 | Երվանդ Մանարյան
-Ինչպե՞ս եք գնահատում Հայաստանի և Թուրքիայի միջև նախաստորագրված արձանագրությունները։ -Ես խուսափում եմ որոշակի կարծիք հայտնել նախաստորագրված արձանագրությունների վերաբերյալ, որովհետև քաղաքական գործիչ չեմ։ Միայն մի բան գիտեմ՝ ազգային արժանապատվությունը ոտքի տակ չպիտի դրվի։ Ինձ թվում է, որ այնտեղ շատ բան կա, որ հենց այդ վտանգը պարունակում է։ -Ձեր մտահոգությունը ներկայացրե՞լ եք «Հայ ազգային կոնգրեսի» ղեկավարությանը։ -Ինձ համար մոտ և ընդունելի է ՀԱԿ-ի դիրքորոշումը։ -Բայց ՀԱԿ կենտրոնական գրասենյակի տարածած հաղորդագրության մեջ ասվում է, որ «արձանագրությունները զգալի տեղաշարժ են»։ -Վտանգն ավելի շատ նրանում է, որ հնարավոր է՝ այդ ամբողջ գործառույթները միայն իշխանությունը պահպանելու համար լինեն։ Սա շատ ծանր խնդիր է, դա զուտ քաղաքական դիվանագիտական խնդիր չէ։ Շատ զարմանալի է, որ ավանդական լուրջ կուսակցությունն այս ամբողջ գործընթացի մեջ մեղադրում է արտաքին գործերի նախարարին այն դեպքում, երբ այդ ամենի համար անմիջականորեն պատասխանատու է նախագահը։ Չեմ հասկանում, թե ինչ է կատարվում։ |
| 2009-06-09 | Լեւոն Տեր-Պետրոսյանի հարցազրույցը Ա1+ գործակալությանըՂԱՐԱԲԱՂՅԱՆ ԿԱՐԳԱՎՈՐՄԱՆ ԱՎԱՐՏԱԿԱՆ ՓՈՒԼԸ
- Նախ՝ ես չեմ մոռացել իմ խոստումը։ Ավելին, այս զրույցն առարկայական դարձնելու նկատառումով, ավելորդ չեմ համարում ընթերցողին հիշեցնել ելույթիս համապատասխան հատվածը. «Մոտակա ամիսներին մեզ սպասում են Ղարաբաղի եւ հայոց պետականության ճակատագրի հետ կապված կարեւորագույն իրադարձություններ, որոնք այս հանգրվանում երկրորդական են դարձնում ներքաղաքական խնդիրները։ Մենք ուշի ուշով հետեւելու ենք այդ իրադարձությունների զարգացմանը, գնահատելու Հայաստանի իշխանությունների ձեռնարկած քայլերի համարժեքությունը իրավիճակի պահանջներին, հասարակությանը մշտապես իրազեկ պահելու Ղարաբաղյան կարգավորման ընթացքի մասին եւ փորձելու կանխել կամ նվազագույնի հասցնել հայկական կողմի շահերին սպառնացող վտանգները»։ Ինչ վերաբերում է Ձեր բուն հարցին, ապա, անշուշտ, մոսկովյան հռչակագիրը գործընթացի կարեւորագույն զարգացումներից մեկը պետք է դիտել։ |
- Արմեն, սկսած 2008-ից`ակտիվորեն մասնակցում եք ՀԱԿ հանրահավաքներին, բողոքի ակցիաներին, ՀԱԿ փոքր խորհրդի քննարկումներին: Վերջերս մշակութային, սահմանադրական հեղափոխության մանիֆեստ գրվեց: Ըստ Ձեզ`որքանո՞վ ենք մոտ կանգնած մշակութային, սահմանադրական հեղափոխությանը:
Պահի ճիշտ զգացողությունը Լեւոն Տեր-Պետրոսյանի լավագույն հատկանիշներից է, lragir.am-ին տված հարցազրույցում ասել է ՀՀՇ վարչության նախագահ Արամ Մանուկյանը
Հարց. Ինչպե՞ս է Հայ ազգային կոնգրեսը գնահատում Հայաստանում Ռուսաստանի ռազմակայանի տեղակայման մասին 1995 թ. պայմանագրում կատարված փոփոխությունների ստորագրումը ՌԴ նախագահ Մեդվեդեւի` Հայաստան կատարած պետական այցի ընթացքում: Ձեր կարծիքով, ինչո՞վ են պայմանավորված ժամկետից շուտ պայմանագրում կատարված փոփոխությունները, եւ արդյո՞ք որեւէ կապ տեսնում եք պայմանագրում կատարված փոփոխությունների եւ Ադրբեջանին С-300 ռազմական համակարգեր վաճառելու միջեւ:
Մինչ մեր ԱԺ-ում եւ ԵԽԽՎ-ում մրցույթ է գնում, թե ով է ավելի շատ ընդդիմադիր՝ "Ժառանգությո՞ւնը", թե՞ Դաշնակցությունը, "Ժառանգությունից" հեռացված Զոյա Թադեւոսյանը երկուսին էլ իսկական չի համարում:
ՀՀ ԱԺ նախկին նախագահի՝ Կարեն Դեմիրճյանի հիշատակին հարգանքի տուրք մատուցելու համար հոկտեմբերի 27-ին Կոմիտասի անվան պանթեոն այցելած «Հանրապետություն» կուսակցության նախագահ Արամ Զավենի Սարգսյանը պատասխանել է «7օր»-ի հարցերին։
Հարցազրույց Հայ Ազգային Կոնգրեսի համակարգող Լեւոն Զուրաբյանի հետ
- 2009 թվականը` Ձեր դիտարկմամբ: 
- ՍԴՀԿ-ում կարծես թե չեն դադարել ներկուսակցական խմորումները. ՍԴՀԿ-ից առանձնացած թեւը Ձեր համագումարի վերաբերյալ հայտարարություն էր տարածել, որ այն անօրինական է, եւ ուժի մեջ է դեկտեմբերին իրենց հրավիրած արտակարգ համագումարը: Ինչպե՞ս կմեկնաբանեք այդ փաստը: 
Երեւանի թիվ 10 ընտրատեղամասում կիրակի օրը տեղի ունցած ԱԺ պատգամավորի ընտրությունների ժամանակ Ջոն Կիրակոսյանի անվան դպրոցում տեղակայված 10/09 ընտրատեղամասում ծեծի էին ենթարկվել Նիկոլ Փաշինյանի վստահված անձինք` ԺՀԿ նախագահ Պետրոս Մակեյանը, նրա որդին` Կարեն Մակեյանը եւ Սուրեն Մարտիրոսյանը: Նրանց մարմնական վնասվածքներով տեղափոխել էին հիվանդանոց: Երեկ արդեն Պետրոս Մակեյանը դուրս էր գրվել հիվանդանոցից եւ բուժումն անցնում էր տանը: Նրա հետ զրուցեցինք ընտրությունների օրը կատարված միջադեպի մասին:
Հարցազրույց ՀԱԿ ներկայացուցիչ Դավիթ Շահնազարյանի հետ
-"Լրագրի" հարցազրույցների շարքին հետևում եմ, և եթե չեմ սխալվում, Հրանտ Տեր-Աբրահամյանն էր ասում, որ այս տարին ինքնուրույն տարի չէր, 2008-ի շարունակությունն էր: Կիսում եմ Հրանտի կարծիքը: Թեև շատերն այն համարում են ինքնուրույն տարի` կապելով հայ-թուրքական արձանագրությունների հետ, ես այդ կարծիքին չեմ: Այսուհանդերձ փորձեմ ասել, թե ինչն եմ կարևորում այս տարվա ընթացքում: Կարևոր էր, այսպես կոչված, քաղաքական դիրքերի ճշգրտումը: 2008-ին այդ դիրքերը պայմանավորված էին տեղի ունեցած ու ձախողված ընտրություններով: Եվ 2008-ին արդեն շատ մեծ կասկածներ կային, որ 2007-ից սկսված շարժումը ընտրությունների ձախողումից, մարտի մեկից հետո կգնար դեպի մարում: Շարժումը մարել չէր կարող հենց միայն այն պատճառով, որ կան քաղբանտարկյալներ:
Քաղբանտարկյալ, "Հայկական ժամանակ" օրաթերթի գլխավոր խմբագիր, Երեւանի թիվ 10 ընտրատարածքում պատգամավորության թեկնածու ՆԻԿՈԼ ՓԱՇԻՆՅԱՆԸ պատասխանել է lragir.am-ի հարցերին
Այսօր «Դուպլեքս» մամուլի ակումբում Սոցիալ-դեմոկրատ Հնչակյան կուսակցության ատենապետ Լյուդմիլա Սարգսյանը պատասխանեց լրագրողների հարցերին` կուսակցությունում տեղի ունեցող վերջին խմորումների վերաբերյալ:
Հարցազրույց ՀՀ նախկին արտգործնախարար Ալեքսանդր Արզումանյանի հետ
Հատված «Դուպլեքս» մամուլի ակումբում «7օր»-ի թղթակցի և ՀԱԿ ներկայացուցիչ Արամ Մանուկյանի հարցուպատասխանից
Հարցազրույց Հայաստանի լիբերալ կուսակցության նախագահ Հովհաննես Հովհաննիսյանի հետ
Հարցազրույց «Ագուլիս» թատրոնի գեղարվեստական ղեկավար, դերասան Երվանդ Մանարյանի հետ
- Պարոն Նախագահ, հոկտեմբերի 17-ի Ձեր ելույթում Դուք խոստացել էիք հասարակությանը մշտապես իրազեկ պահել Ղարաբաղյան կարգավորման զարգացումներին։ Արդյոք, Ռուսաստանի, Հայաստանի եւ Ադրբեջանի նախագահներ Մեդվեդեւի, Սարգսյանի եւ Ալիեւի նոյեմբերի 2-ի համատեղ հռչակագիրը կարելի՞ է դիտել որպես այդ զարգացումներից մեկը։
